Улсаараа хөгжихийн тулд хүнээ хөгжүүлэх ёстой, хүнээ хөгжүүлэх суурь нь нийгмийн эрүүл мэнд гэдгийг ам, ажлаараа нотолсон хууль тогтоочдын нэг бол УИХ-ын гишүүн Д.Батлут. 2020-2024 онд УИХ-ын гишүүнээр ажиллахдаа нийгмийн эрүүл мэндийн чиглэлд онцгойлон анхаарч ажилласан юм.
Эрүүл мэндийн хууль тогтоомж хэрхэн хэрэгжиж буйг шалгах ажлын хэсгийг ахлах үедээ хуурамч эм, эмийн үнийн өсөлтийн талаар хүчтэй байр суурь илэрхийлж байсан тэрээр орон нутгийн өрхийн эмнэлгүүдийн санхүүжилтыг өсгөх шийдвэр гаргуулахад оройлон оролцсон нэгэн. Үр дүнд нь хөдөөгийн өрхийн эмнэлгийн ажилтнуудын цалин өсч, иргэдэд хүртээмжтэй сайн үйлчлэх тусам санхүүжилт нь өсөх нөхцөл бүрдсэн юм. Бүр тодруулж хэлбэл энэ шийдвэр гарснаар иргэдийн эрүүл мэндийн үйлчилгээний чанар сайжрах боломж нээгдсэн билээ.
Нийгмийн эрүүл мэндэд анхаарсан ажлаа тэрээр УИХ-д сонгогдохоосоо ч өмнө Орхон аймагт эхлүүлчихсэн байсныг дурдахгүй өнгөрч болохгүй. Тус аймгийн Засаг дарга байхдаа санаачилж эхлүүлсэн “Элэгний вирусгүй Эрдэнэт хот” хөтөлбөр нь тухайн үедээ иргэдийн талархлыг хүлээсэн амжилттай ажлынх нь нэг байв. Олон хүнийг хавдрын эцсийн шатанд очихоос өмнө оношилж, өчнөөн өрхөд аз жаргал бэлэглэсэн энэ хөтөлбөр хэрэгжиж эхэлснээс хагас жилийн дараа Засгийн газар “Элэг бүтэн Монгол” хөтөлбөрөө эхлүүлж байсан юм.
