Д.Батлут гишүүн 2020-2024 онд Эдийн засгийн, Үйлдвэржилтийн бодлогын, Нийгмийн бодлогын байнгын хорооодын гишүүнээр ажиллалаа. Тэрээр нийтдээ 20 ажлын хэсэгт багтаж ажилласнаас гурван ажлын хэсгийг нь ахалсан юм. Онцлох ажлын хэсгийн нэг нь Монгол улсын Засгийн газрын 2020-2024 оны үйл ажиллагааны хөтөлбөр батлахад анхаарч байв. Түүний Засгийн газрын мөрийн хөтөлбөрт тусгуулж чадсан гол саналын нэг нь “Эрдэнэт үйлдвэр” ТӨҮГ-ийг түшиглэн уул уурхай-металлург-химийн үйлдвэрийн цогцолбор байгуулах шийдэл байлаа.
Үйлдвэрлэл, технологийн паркийн эрх зүйн байдлын тухай хуулийн төсөл, Хөдөлмөрийн тухай хуулийн шинэчилсэн найруулга, Нийгмийн даатгалын шимтгэлийг 2 хувиар бууруулах хууль, Зөрчлийн тухай нэмэлт өөрчлөлт гэх мэтээр жагсаавал өндөр оролцоотой ажилласан хуулийн төсөл олон бий. Эм, түүхий эдийн үйлдвэрлэл, экспорт гэх мэт нийгэмд хэрэгтэй асуудлуудад хандсан хэдэн хэдэн тогтоолын төсөлд түүний оролцоо өндөр байсан юм. Эцэст нь Д.Батлут гишүүний өргөн мэдүүлэхээр зэхэж буй нэгэн төслийг онцолъё. Тэрээр Бичил үйлдвэрлэл, үйлчилгээг дэмжих тухай хуулийн төслийг боловсруулаад байгаа юм.
